ئۆکرانیا: بەرهەڤین ل گەل رۆسیا دانوستاندنان بکەین
سەرۆکێ ئۆکرانیایێ دیار کر، د چەند مەهێن بۆری دا وان شیاینە ب چەکێ پێشکەفتی دربێن کوژەک ل لەشکرێ رۆسیا بدەن و ب هزاران لەشکرێ رۆسیا هاتینە کوشتن، نها ئاریشەک گەلەک مەزن ل لەشکرێ رۆسیا هەیە و ژ بۆ ڤێ یەکێ ژی پۆتینی دڤێت ١٠ هزار سەربازێن کۆریا باکور بۆ شەڕی رەوانەی ئۆکرانیایێ بکەت و ئەو یەک ژی بێگومان پێشهاتەکا گەلەک مەترسیدارە و دێ بیتە ئەگەرێ شەڕەکێ نوو یێ جیهانی.
زیلێنسکی ئەو یەک ژی دیار کر، رۆسیا نەشێت ب شەڕی یا دڤێت ل ئۆکرانیایێ بدەستڤە بینیت، ژ بۆ ڤێ یەکێ ژی گەلەک یا گرنگە رۆسیا ژی بەرهەڤیا خوە بۆ دانوستاندنان دیار بکەت، وەکو ئۆکرانیا ئەو دشێن ل گەل رۆسیا دانوستاندنان بکەن، لێ دڤێت رۆسیا هەموو هێزێن خوە ژ ئاخا ئۆکرانیایێ ڤەکێشیت.
