ئۆکرانیا: جیهانێ هەست ب مەترسیا رۆسیا کریە
سەرۆکێ ئۆکرانیایێ راگەهاند رۆسیا بوویە مەترسی بۆ سەر هەموو جیهانێ، هەلوەستێ رۆسیا و داخۆیانیێن بەرپرسێن رۆسیا نیشا ددەن پشتی ئۆکرانیایێ، رۆسیا دڤێت ئێرشی هندەک وەلاتێن دی یێن جیهانێ ژی بکەت، ئەو یەک ژی نیشا ددەت رۆسیا بوویە مەترسی بۆ جیهانێ و جهێ دلخوەشیێ یە کو نها گەلەک ژ وەلاتێن جیهانێ هەست ب مەترسیا رۆسیا کرینە.
زیلێنسکی ئەو یەک ژی دیار کر، دڤێت ناتۆ و ئەمریکا پتر هاریکاریا لەشکرێ ئۆکرانیایێ بکەن، هەکە وەکو پێدڤی چەک نەگەهیتە دەستێ لەشکرێ ئۆکرانیایێ دێ رەوش د بەرژەوەندیا رۆسیا دا هێتە ئێکلاکرن، چونکی رۆسیا رۆژ ب رۆژێ ئێرشێن خوە ل سەر ئاخا ئۆکرانیایێ دژوارتر کریە و ژ بەر ڤێ یەکێ ژی پێدڤیا لەشکرێ ئۆکرانیایێ ب چەکێ پێشکەفتی و گران هەیە، دڤێت ئەمریکا و ناتۆ چەکێ پێشکەفتی بدەنە لەشکرێ ئۆکرانیایێ دا ئەو بشێن دربێن کوژەک ل لەشکرێ رۆسیا بدەن.
