ئۆکرانیا داخوازا هاریکاریێن زێدەتر ژ ناتۆ دکەت
فەرماندارەکێ لەشکرێ ئۆکرانیایێ دیار کریە، د رەوشا نها دا پێدڤیا وان ب چەکێ پێشکەفتی هەیە، چونکی رۆسیا ب هەموو شیانێن خوە ئێرش دکەت و دڤێت ناتۆ پتر ژ جاران هاریکاریا ئۆکرانیایێ بکەت، هەکە هاریکاریێن پێدڤی نەگەهنە دەستێ لەشکرێ ئۆکرانیایێ ئەو نەشێن بەرسڤا ئێرشێن رۆسیایێ بدەن و وی دەمی دێ رەوش ب تەمامی د بەرژەوەندیا رۆسیا دا هێتە گوهۆڕین.
هەمان فەرمانداری ئەو یەک ژی دیار کریە، نها وەکو پێدڤی هاریکاری ناگەهنە دەستێ وان و پێدڤیا لەشکرێ ئۆکرانیایێ ب چەکێ پێشکەفتی هەیە.
ل ئالیێ دی وەزیرێ بەرگریێ یێ ئەمریکا ژی راگەهاند، هەکە رۆسیا د شەرێ نها دا سەرکەڤیت دێ ئێرشی وەلاتێن دی ژی کەت، وی دەمی مەترسیا شەرێ رۆسیا و ناتۆ هەیە، دڤێت وەلاتێن ئەندامێن ناتۆ ب تایبەتی ژی وەلاتێن ئێکەتیا ئۆرۆپا پتر ژ جاران هاریکاریا ئۆکرانیایێ بکەن، چونکی نها رەوش گەلەک هەستیارە و سەرکەفتنا رۆسیا دێ بیتە مەزنترین مەترسی ل سەر وەلاتێن ئێکەتیا ئۆرۆپا.
