ئۆکرانیا: دڤێت ناتۆ رێگریێ ل رۆسیا بکەت
سەرۆکێ ئۆکرانیایێ دیار کر، ئێرشا ڤێ دووماهیێ یا رۆسیا و کەفتنا چەندین درۆنان ل ئاخا پۆلەندا نیشا ددەت رۆسیا ئێدی بوویە مەترسیەکا گەلەک مەزن بۆ هەموو ئۆرۆپا، وەکو ئۆکرانیا مە بەری نها ژی دیار کربوو هەکە رێگری ل رۆسیا نەهێتە کرن دێ پشتی ئۆکرانیایێ رۆسیا ئێرشی چەندین وەلاتێن دی یێن ئێکەتیا ئۆرۆپا کەت و نها دیار بوو پۆلەندا و چەندین وەلاتێن دی ژی دێ بنە ئارمانجا ئێرشێن رۆسیا.
زیلێنسکی ئەو یەک ژی دیار کر، دڤێت ناتۆ و هەموو وەلاتێن ئێکەتیا ئۆرۆپا پێکڤە یا پێدڤی ل دژی رۆسیا بکەن، ئارمانجا پوتینی تنێ ئۆکرانیا نینە و مەترسی ل سەر ناتۆ و ئێکەتیا ئۆرۆپا هەنە، ژ بەر ڤێ یەکێ ژی دڤێت وەلاتێن ئێکەتیا ئۆرۆپا ئێدی ل هەمبەر رۆسیا ب کریاری یا پێدڤی بکەن، چونکی یا نها ل دژی ئۆکرانیایێ دهێتە کرن دێ سوباهی ل دژی وەلاتێن دی یێن ئێکەتیا ئۆرۆپا ژی هێتە کرن.
