ئۆکرانیا سەبارەت ب رۆسیا هۆشداریێ ددەتە ناتۆ
سەرۆکێ ئۆکرانیایێ راگەهاند، هەکە ترامپ رێگریێ ل سیاسەتا شاش یا پۆتینی نەکەت و فشارێن ل سەر رۆسیا نەهێنە زێدەتر کرن دبیت رۆسیا کار بۆ ئێرشەکا دی یا مەزن ل دژی ناتۆ و وەلاتێن ئێکەتیا ئۆرۆپا بکەت، چونکی ئارمانجا پۆتینی تنێ لاوازکرنا ئۆکرانیایێ نینە و رۆسیا کار بۆ ئارمانجێن دی دکەت و هەکە رۆسیا نها نەهێتە لاوازکرن پشتی ئۆکرانیایێ رۆسیا دێ ئێرشی هندەک وەلاتێن ئەندامێن ناتۆ کەت و دێ مەترسیێن گەلەک مەزن بۆ ئێکەتیا ئۆرۆپا دروست بن.
زیلێنسکی ئەو یەک ژی دیار کر، دڤێت ترامپ هەست ب مەترسیا رۆسیا بکەت، نابیت بەرنامێ ترامپی یێ بۆ ئاگربەستێ ل گەل رۆسیا ببیتە ئەگەرێ بهێزبوونا وی وەلاتی، چونکی بهێزبوونا رۆسیا ئانکۆ مەترسیەکا گەلەک مەزن بۆ ناتۆ و وەلاتێن ئەندامێن ئێکەتیا ئۆرۆپا و دڤێت ترامپ رێ نەدەت تشتەک وەسا بهێتە کرن.
