ئۆکرانیا: مە گەمیەکا شەڕی یا رۆسیایێ ژناڤبر
وەزارەتا بەرگریێ یا ئۆکرانیایێ راگەهاند، هێزێن وان شیاینە گەمیەکا شەڕی یا رۆسیا ژناڤ ببەن و زیانێن گەلەک مەزن ژی گەهاندینە گەمیەکا دی و نها شەڕێ وان ل گەل رۆسیا ژی ب دژواری بەردەوام دکەت.
وەزارەتا بەرگریێ یا ئۆکرانیایێ ئەو یەک ژی دیار کریە، رۆسیا ئێرشێن خوە ل سەر ئۆکرانیایێ دژوارتر لێ کریە و هێزێن وان ژی ب توندی بەرسڤا ئێرشێن رۆسیایێ ددەن، لێ وەکو ئۆکرانیا ئەو پێدڤی ب هاریکاریێن زێدەترن دا بشێن بەرسڤا ئێرشێن رۆسیا بدەن.
بەری نها وەزیرێ بەرگریێ یێ ئەمریکا ژی دیار کربوو، هەکە چەک و هاریکاریێن پێدڤی نەگەهنە دەستێ لەشکرێ ئۆکرانیایێ دێ رۆسیا د شەڕی دا سەرکەڤیت و سەرکەفتنا رۆسیا ژی دێ بیتە ئەگەرێ ڤێ یەکێ پۆتین ئێرشی هندەک وەلاتێن دی یێن ئێکەتیا ئۆرۆپا بکەت، وی دەمی دێ مەترسیا شەڕەکێ مەزن د ناڤبەرا ناتۆ و رۆسیا دا هەبیت، ژ بەر ڤێ یەکێ ژی گەلەک یا گرنگە وەلاتێن ئێکەتیا ئۆرۆپا هاریکاریا ئۆکرانیایێ بکەن و وی وەلاتی ل هەمبەر ئێرشێن رۆسیا ب تنی نەهێلن.
