ئۆکرانیا: نابیت بێی پشکداریا مە چو بریار بهێنە دان
سەرۆکێ ئۆکرانیایێ سەبارەت ب دیدارا حەفتیا بهێت یا د ناڤبەرا پۆتینی و ترامپی دا دیار کر، بێگومان وەکو ئۆکرانیا وان دڤێت شەڕێ ل گەل رۆسیا ب دووماهی بهێت و پرسێن هەی بهێنە چارەسەرکرن، لێ نابیت بێی پشکداریا ئۆکرانیایێ چو بریارێن چارەنڤیسساز سەبارەت ب ئۆکرانیا بهێنە دان، ئەو یەک ژ ئالیێ ئۆکرانیایێ ڤە ب چو رەنگەکێ ناهێتە قەبوول کرن و دڤێت ئۆکرانیا پشکەک بیت ژ دانوستاندنێن د ناڤبەرا ئەمریکا و رۆسیایێ دا یێن سەبارەت ب پاشەرۆژا ئۆکرانیایێ.
زیلێنسکی ئەو یەک ژی دیار کر، نیەتا رۆسیا یا باش نینە، پوتینی دڤێت ب زۆرێ پشکەک مەزن ژ ئاخا ئۆکرانیایێ ژێ جودا بکەت، ئەو یەک دێ بیتە ئەگەرێ روودانا ئالۆزیێن مەزن و دێ ب سالان ژی شەڕ بەردەوام بیت، ژ بەر ڤێ یەکێ ژی هەر بریارەک سەبارەت ب راگرتنا شەڕی بهێتە دان دڤێت ب ئاگەهداریا ئۆکرانیایێ بیت.
