ئۆکرانیا: پۆتینی دڤێت ئێرشا مۆسکۆ بۆ بەرژەوەندیێن خوە بکار بینیت
سەرۆکێ ئۆکرانیایێ راگەهاند، وەلاتی وی چو پەیوەندی ب ئێرشا ل سەر هۆلەکا ئاهەنگێ ل مۆسکۆ نینە و هەموو بەلگە ژی نیشا ددەن کو ئەو یەک کارێ گرۆپەکێ تیرۆرستان بوویە، لێ پۆتینی دڤێت وی بابەتی ل دژی ئۆکرانیایێ بۆ بەرژەوەندیێن خوە بکار بینیت و دو رۆژن رۆسیا ب دژواری کیێڤ و هندەک دەڤەرێن دی یێن ئۆکرانیایێ بۆمبەباران دکەت و ئەو یەک ژی ب چو رەنگەکێ ناهێتە قەبوول کرن و دڤێت رۆسیا ئێرشێن خوە بدەتە راگرتن.
زیلێنسکی ئەو یەک ژی دیار کر، هێشتا دەستپێکا ئێرشا مۆسکۆ بوو و چو تشتەک ئاشکرا نەببوو لێ هەر زوو بەرپرسێن رۆسیا وەلاتێ مە تومەتبار کرن، ئەو یەک ژی نیشا ددەت پۆتین و بەرپرسێن دی یێن رۆسیا دخوازن ئێرشا ڤێ دووماهیێ ل مۆسکۆ بۆ بەرژەوەندیێن خوە و ل دژی ئۆکرانیایێ بکار بینن.
