ئیتالیا: مە درۆنەکا حوسیان ل دەریا سۆر ئێخست
وەزارەتا بەرگریێ یا ئیتالیا راگەهاند، هێزێن وان ل دەریا سۆر درۆنەکا حوسیێن یەمەنێ ئێخستنە خوارێ کو دڤیا ئێرشی گەمیەکا وان یا بازرگانی بکەت، لێ بەری درۆن بگەهیتە جهێ مەبەست ژ ئالیێ هێزێن وان ڤە هاتە ژناڤبرن.
ل ئالیێ دی وەزارەتا دەرڤە یا بریتانیا ژی جارەکا دی هۆشداری دا حوسییان و دیار کر، دڤێت حوسیێن یەمەنێ دەست ژ ئێرشێن خوە ل دەریا سۆر بەردەن، هەکە حوسی ل سەر ئێرشێن خوە یێن نها بەردەوام بن دێ ئەو ل گەل ئەمریکا و هندەک وەلاتێن دی دەست ب ئێرشێن نوو و دژوار ل دژی حوسیێن یەمەنێ کەن.
ل ئالیێ دی بەرپرسەکێ حوسیێن یەمەنێ ژی دیار کر، هەتا ئسرائیل ئێرشێن خوە ل سەر غەزە رانەگریت ئەو ژی دێ ل دەریا سۆر ئێرشی گەمیێن بازرگانی کەن، هەر دەمێ ئسرائیلێ ئێرشێن خوە راگرتن ئەو ژی ئێدی چو ئێرشان ناکەن.
