ئیحسان حه‌سه‌ن: ل ده‌مه‌كێ نێزیك دێ نووترین كلیپا خوه به‌لاڤ كه‌م
ئه‌ڤرۆ، شاهۆ فه‌رید:
سترانبێژ (ئیحسان حه‌سه‌ن) د دیداره‌كێ دا بۆ رۆژناما ئه‌ڤرۆ دیار كر كو نوكه ئه‌و مژوولی چێكرنا كلیپه‌كا نوو یه بناڤێ (تونه‌هاتی) ژ په‌یڤێن (حسێن حه‌سه‌ن) و ئاوازاێن وی ب خوه نه و (نیهاد عه‌لی) ب كارێ به‌لاڤكرنا مۆزیكێ رابوویه و كارێ كلیپكرنا ڤێ سترانێ ژ لایێ (رویا ستودیۆ) ڤه هاتیه ئه‌نجامدان و نوكه د قووناغا مۆنتاژكرنێ دا و ل ده‌مه‌كێ نێزیك دێ به‌لاڤ كه‌م و گۆت: “بابه‌تێ سترانێ ژی رومانسیه‌ته، چونكۆ ستایلێ منی ستران گوتنێ ب ڤی شێوه‌یی یه و ژبلی ڤێ كلیپێ من ل به‌ره بۆ بهارا سالا بهێت دو كلیپێن ب شێوه‌یێ دیلان چێكه‌م و پێشكێشی حه‌ز ژێكه‌رێن ده‌نگێ خوه بكه‌م”.
ناڤهاتی ئاماژه دا وێ چه‌ندێ كو ژ به‌ر چه‌ند ئه‌گه‌رێن تایبه‌ت و ئابووری ژ هونه‌ری دوور كه‌تبوو، به‌لێ ب به‌لاڤكرنا ڤێ كلیپێ دێ دووباره ڤه‌گه‌ڕیت و كارێن نووتر یێن هونه‌ری ئه‌نجام ده‌ت و گۆت: “هه‌موو كارێن خوه یێن نوو یێن هونه‌ری د سوشیال میدیایێ دا به‌لاڤ دكه‌م و چوجاران ده‌تان ژ كارێ هونه‌ری به‌رناده‌م، ژ به‌ر كو حه‌زا من یا زارۆكینیێ بوو”
