ئیدارا نوو یا ئهمریكى و پرۆژێ رۆژههلاتا ناڤین!
ههلبژارتنێن وهلاتێ ئهمریكا ژ وان ههلبژارتنانه كو ههر چار سالان جارهكێ دئێنه كرن و دونیا ههمى چاڤهریێ دهرئهنجامێن وێ دكهت و بایخهكێ مهزن ددهتێ و ئهڤه بۆ چهندین ئهگهران ڤهدگهریت، لێ یا ژ ههمیێ گرنتر ئهوه كو ژ سهرجهمى 193 وهلاتن ئهندام د جڤاتا ئێمناهیا نیڤدهولهتی دا ئهمریكا بنكێن سهربازى ل 172 وهلاتان ههنه ئانكو چ راستهوخوه یان نهراستهوخوه كارتێكرنهكا مهزن ل سهر بریارا سیاسى یا وى وهلاتى ههیه، لهورا بۆ ڤان ههمى وهلاتان گرنگه بزانن د دهرئهنجامێ ههلبژارتنان چ بیت!.
پشتى حزبا كۆماریا د ههلبژارتنن ئهمریكا دا بسهركهفتى و دۆنالد ترامپ بوویه سهرۆكێ ئهمریكا جیهان ب گشتى و دهڤهرا رۆژههلاتا ناڤین ب تایبهتى چاڤهرێ گوهۆرینن مهزن دكهت كو رووبدهن، ئهڤه ههكه بزانین ستراتیجیا ئهمریكا ل جیهانێ ئیكه تایبهت بۆ دابینكرنا بهرژهوهندیان! لێ جوداهیا د ناڤبهرا كۆماریان و دیمۆكراتیان ئهوه كو دیمۆكرات د سیاسهتا خوه دا بایهخهكێ مهزن ددهنه رۆژههلاتا دوور و دهریا چینێ و وارێ ئابوورى! لێ كۆمارى بهروڤاژى ڤێ چهندێ د سیاسهتا خوه دا بایخهكێ مهزن ددهنه رۆژههلاتا ناڤین و تایبهت وهلاتێن كهنداڤى!
لهورا دبینین كو ئیرانێ ترسهك و دلنهرهحتیهكا مهزن ل دهف پهیدابوویه، پشتى كۆمارى د ههلبژارتنان دا بسهركهفتین، ئهڤه ههكه بزانین هندهك راوێژكارێن ههره نێزیك یێسن ترامپى فهلێن بنیات لوبنانینه و د بهرنیاسن ب دژایهتیا خوه بۆ حزب الله یا لوبنانى و ئیرانێ. ئهو كهسێن ب هێز و بهربژێر بۆ وهرگرتنا پۆستێ وزارهتا دهرڤه یا ئهمریكى كو ههر ئێك ژ (جۆن بولتوون) بالیۆزێ ئهمریكا ل نهتهوهێن ئێگرتى و (نیۆت كینگریتش) سهرۆكێ بهرێ یێ جڤاتا نوونهران یا ئهمریكى و (بۆب كۆركر) بهرپرسێ پهیوهندیێن دهرڤه یێ كۆنگرێسێ ئهمریكى و ئهڤ ههرسێ كهسه دبهرنیاسن ب دژایتكرنا وان بۆ سیاسهتێن ئیرانێ ل دهڤهرێ. ل 20/1/2017 دۆنالد ترامپ وهكو سهرۆكێ ئهمریكا سویندا قانوونى دخوینیت و كۆچكا سپى وهرگریت و ئیدارا نوو یا حوكمهتا ئهمریكا دهستبكاردبیت پشتى كو گوهۆرین د (40 بوو 50) هزار پۆستان هاتیه كرن و ژ وى دهمى وێڤه ئێدى ب شێوهكێ پراكتیكى د پرۆژه و سیاسهتێن كۆماریا كهڤنه د وارێ جێبهجێكرنێ دا، لهورا ههر ژ نوكه و تا وى دهمى ئیران د ههمى پێكۆلا كهت كو پێگههێ خوه ل عیراقێ و تایبهت د شهرێ مووسل دا ب رێیا داعش و حهشدا شیعى موكم بكهت و رژد ههولبدهت كو مالكى بزڤریته ل سهر دهستههلاتێ! و لوبنانێ و سووری و یهمهنێ ب رێیا حزب الله و عهلهوی و حوسیان خوه بهێزبێخیت و ههولدهت كێشه و گرفتان دروست بكهت بۆ ئیدارا ئهمریكى، بهلێ دهێته چاڤهرێكرن ههمى ههولێن ئیرانێ تووشى شكهستنێن مهزن ببن و ئێدى شهرى و ئالۆزى بچنه د ناڤا ئیرانێ دا و عیراق و سوورى ب تهمامى دئێنه دابهشكرن!
ئهو گوهۆرینێن دئێنه چاڤهرێكرن كو ل دهڤهرێ روو بدهن دێس ژ نێزیكبوونا ئهمریكا و توركیا دهست پێبكهت بۆ بهرسینگگرتنا پرۆژێ رۆسیا و ئیرانێ د سووریێ دا پشتى كو ل دووماهیا ئیدارا ئۆبامای دا پهیوهندیێن توركیا و ئهمریكا بهره ب ئالۆزیان ڤه چوون و رۆسیا شیا مفایى ژ ڤێ چهندێ وهرگریت!.
ل دووڤ دا دئێته چاڤهرێكرن ل یهمهنێ عهبدولا سالح دیسا ل حوسیان بقولپیت دا خوه ژ سزایێن دهولى قورتال بكهت و دوباره یهمهن ژ لایێ ههڤپهیمانان ڤه بهێته كونترۆلكرن و ل وێرێ ژى پرۆژێ ئیرانێ شكهستنێ بینیت، مهترسیا ههرا مهزن ل سهر ئیرانێ ئهوه ئێك ژ پرۆژێن كۆماریان كو ژمێژه كار ل سهر هاتیهكرن ئهوه كو ل دهڤهرا ئهحوازا ل باشۆر و رۆژئاڤایێ ئیرانێ ههمى عهرهبێن سونهنه و ب رێیا وان ئالۆزیێن مهزن بۆ ئیرانێ درو پهیدا بكهن و كیانهكێ سیاسى ل وێ دهڤهرێ بۆ ئهحوازیان دروست بكهن دا كو ببیته ناڤبرهك و رێگریهك بۆش ئیرانێ بهرامبهر وهلاتێن كهنداڤى!.
عیراق و سوورى دێ ئێنه دابهشكرن و ههرێمێ دێ رێكهڤیت ل گهل حوكمهتا عهبادى بۆ سهربهخوهیهكا ئاشتیانه، چونكى نها حوكمهتا عهبادى د گوپیتكا لاوازیێدا یه! و زۆربهیا میلشیاتێن شیعى ب ئهنجامدانا تاوانێن جهنگى دئێنه تۆمهتباركرن و پتریا وان دچنه د لیستێن تیرۆرێ دا، ئهڤه ژ لایهكیڤه ژ لایهكێ دیڤه زۆرهك ژ پارتێن ئیسلامى نامینن ئان دێ ئێنه ژناڤبرن ئهڤجا ب ههر رێیهكا ههیى! و دهێته چاڤهرێكرن كو كۆدهتایهكا سیاسى د ناڤ پهكهكێ دا روودهت و ئهڤ حزبه ژ بن ههژمۆنا ئیرانێ دهركهڤیت و ئێدى بزاڤا كوردى دێ قووناغهكا دى یا ههره گرنگ دهرباز كهت!.
ئهڤه ب شێوهكێ گشتى ئهڤ گوهۆرینه دێ ئێنه چاڤهرێكرن كو ل دهڤهرێ روو بدهن و فهره سهركرداتیا كوردى بۆ پرۆژێ خوه یێ نهتهوهیى خوه بۆ ڤان گوهۆرینان بهرههڤ بكهت داكو ب دروستى مفایى ژێ وهربگریت و بگههیته ئارمانجێن خوه كو یا ههره گرنگ سهربهخوهیى یه.
