ئیراقێ د 8 ههیڤان دا ب بهاێ 8 ملیار دولاران متا ژ توركیا هاورده كرینه
ئیراقێ د ههشت ههیڤێن ئهڤ سالهدا ببهایێ 8 ملیار و 609 ملیون دولاران متا ژ توركیا هاودره كرینه،
دهستهیا ئامارا توركیا بهلاڤكریه كو: هنارتێ توركیا د ههیڤا ئابێدا گههشتیه 21 ملیار و 337 ملیون دولارێن ئهمریكی و ب رێژا 13.1% ب ههڤبهركرن د گهل ههمان ههیڤا سالا 2021 زێدهبوویه، ژ لایهكی ڤه د ههمان ههیڤ دا ل سالا 2021 هاوردێ توركیا گههشتیه 32 ملیار و 531 ملیون دولاران، كو ب رێژا 40.4% زێدهبوویه.
دهستهیا ناڤبری ئاشكرا كر كو ئیراق لسهر ئاستێ جیهانی بۆ هاوردهكرنا متایێن توركی ل رێزا سێیێ دهێت ب بهایێ ملیارهك و 258 ملیون دولاران، د دهمهكی دا ئهلمانیا ل رێزا ئێكێ دهێت ب بهایێ ملیارهك و 664 ملیون دولاران و پشتی وێ ویلایهتێن ئیكگرتی ل رێزا دوێ دهێت ب بهایێ ملیارهك و 483 ملیون دولاران، ل رێزا چوارێ ب بهایێ ملیارهك و 104 ملیون دولاران بریتانیا دهێت و ب بهایێ 949 ملیون دولاران رۆسیا ل رێزا پێنجێ دهێت.
دهستهیێ دیاركر ژی كو د ههیڤا 1 یا 2022 ههتا ههڤیا 8 یا 2022 هاوردهكرنێن ئیراقێ گههشتینه ملیارهك و 609 ملیون دولاران، كو ئیراق بههرا پتر متایێن خوارنێ ژ وهلاتێن ههڤسوی هاورده دكهت بتایبهت توركیا و ئیران و ب رێژهكا كێم ژ ئوردن و كهنداڤێ ئهرهبی.
