ئیراق دخوازیت قارەمانییا جیهانێ مێڤانبكەت و كوردستان بەربژارە بۆ ڕێكخستنێ
فدراسیۆنا تێنسا ل سەر مێزێ یا ئیراقێ ب فەرمی داخوازیەك پێشكێشی فدراسیۆنا جیهانێ كرییە بۆ مێڤانداریكرنا قارەمانییا جیهانێ بۆ سالێن 2028 و 2029ێ و باژێرەكێ كوردستانی ژی بەربژارە بۆ ڕێكخستنێ.
د دیدارەكا رۆژنامەڤانی دا هەردە رەووف سەرۆكێ فدراسیۆنا تێنسا ل سەر مێزێ دیار كر ئەوان ب فەرمی داخواز ژ فدراسیۆنا جیهانی یا یاریێ كرییە قارەمانییا جیهانێ بۆ سالێن 2028 و 2029ێ مێڤانبكەت و دێ بادەكا خوە یا مێڤانداریكرنێ ب باشترین و جوانترین شێوە بەردەست كەن، سەرباری هەبوونا هەڤڕكییەكا دژوار دناڤبەرا مە و وەلاتێن مەزن وەكو چاپان، ئیتالیا، چین، بۆ سالا 2028ێ و وەلاتێن ئوسترالیا، بەرازیل، چین، ئەلمانیا و ئەمریكا بۆ سالیا 2029، ئەڤ پێنگاڤە وێ چەندێ دیار دكەت هەموو بزاڤان دكەین جهێ ئیراقێ دناڤا زلهێزێن جیهانێ یێن ڤێ یاریێ دا بكەین، لێ ژبەركو د سالا بۆری دا مە مێڤاندارییا قارەمانیێن رۆژئاڤا ئاسیا و كۆپا عەرەبی مێڤانكرییە و خالێن سەركەفتنێ مە هەنە لەوما ژی گەشبینم دێ هەڤڕكێن مێڤانداریێ بین.
ل دووڤ ژێدەرێن باوەرپێكری نێزیكی فدراسیۆنا ئیراقێ دیاركرینە كو ئێك ژ ئەوان باژێرێن هاتینە هەلبژارتن بۆ مێڤانداریكرنا قارەمانیێ دێ ل باژێرێ سلێمانیێ بیت هەرێما كوردستانێ ژبەر هەبوونا خالێن سەركەفتی یێن ئارامیێ و ژێرخانەیا وەرزشی.
