ئیراق دێ پێنگاڤا ئێكێ د كۆپا ئاسیا دا هاڤێژیت
بڕیارە ئەڤرۆ ل دەمژمێر 5:30 مەغرەب هەلبژارتیێ ئیراقێ یا تەپا پێی پێنگاڤا خوە یا ئێكێ د هەڤڕكیێن قارەمانییا كۆپا ئاسیا قەتەر 2023ێ پاڤێژیت دەمێ ل یاریگەها ئەحمەد بن عەلی بەرانبەر هەلبژارتیێ ئەندۆنیسیا دبیت ژ چارچووڤەیێ كۆما چارێ یا هەڤڕكیێن گەڕا ئێكێ هێتە كرن.
راهێنەرێ ئیراقێ كاساس بۆ دەزگەهێن رۆژنامەڤانی دیار كربوو ئەركێ وان ب سانەهی نابیت لێ ئەوان ئارمانجەك هەیە بڕێیا كۆپا ئیراقێ بەر ب مۆندیالا جیهانی بچن، لەوما ئاستەنگا ئێكێ ئەندۆنیسیایە و دێ بزاڤێ كەن خوە ژێ قۆرتالبكەن.
ل دووڤ دیدارێن دیرۆكی یێن هەردو هەلبژارتییان چار جاران بەرانبەر ئێك بووینە، ئیراق سێ سەركەفتن ئیناینە و یارییەك ب وەكهەڤی ب دووماهی هاتیە، ئێكەم دیدار ل سالا 1973ێ بوو چارچووڤەیێ ڤاڤارتنێن مۆندیالا 1974ێ یاری ب وەكهەڤی بوو دووڤدا ب3-2 سەركەفتن ئینابوو، دیسان كۆپا ئاسیا 2013ێ ئیراق هەردو یاریێن كۆمێ ب سەركەفت بوون.
پێكهاتیێ پێشبینیكری، جەلال حەسەن گۆلپارێز، هێلا بەرەڤانیێ، عەلی عەدنان، رێبین سۆلاقا، حسێن عەلی، مێرخاس دۆسكی، هێلا ناڤین، ئەمیر ئەلعماری، ئۆسامە رەشید، بەشار رەسەن، عەلی جاسم، ئیبراهیم بایش، هێلا هێرشبەریێ ئەیمەن حسێن.
