ئیراق ل پێشبەری مەترسییەكا مەزن دایە
مالپەرەكێ ئیراقێ ژ زاردەڤێ پسپۆرەكێ ئابۆریێ ئیراقێ بەلاڤكر: هەكە د ڤی شەڕێ نوكە ل دەڤەرێ هەی، ئیران بڕیارا دائێخستنا ئاڤتەنگا هورمز بدەت، دێ ئابۆرێ ئیراقێ تووشی كارەساتەكا مەزن و قەیرانەكا ئابۆرییا دژوار بیت، ئەڤ قەیرانە ژی دێ ب رادەیەكی بیت كو حوكمەتا ئیراقێ نەشێت مووچەیێن فەرمانبەران و خانەنشیان بدەت، چونكە ئابۆرێ ئیراقێ ب تمامی پشتبەستنێ ب داهاتێ پەترۆلێ دكەت و رێكا سەرەكی یا هنارتنا ملیۆنان بەرمیلێن ئیراقێ رۆژانە بۆ بارزارێن جیهانێ، ئاڤتەنگا هورمزە.
مالپەرێ (بەغداد ئەلیەوم) یێ ئیراقێ ژ زاردەڤێ د. نەوار ئەلساعدی پسپۆر د ئابۆرێ نێڤدەولەتیدا بەلاڤكر» د وی حالەتیدا ئیراق دێ كەڤیتە د تۆنێلەكا تاریدا كو سەر لێ دیار نابیت».
گوتژ ی» راستە ل دووڤ راپۆرتێن بەنكا ناڤەندییا ئیراقی، یەدەكێ دراڤیێ بیانی گەهشتییە 110 هەتا 120 ملیار دۆلاران و یەدەكێ زێرێ ژی گەهشتییە 130 تەنا، بەلێ ئەڤە وێ چەندێ ناگەهینیت كو ئیراق ژ خوە پشتڕاست بیت، چونكە 90% ئابۆرێ ئیراقێ پشتبەستنێ ب فرۆتنا پەترۆلی كریە، دەمێ ئەوژی راوەستا ئێدی ئیراق دێ كەڤیتە د مەترسیێا مەزندا، ئەڤە ژ بلی وێ چەندێ ئیراقێ هیچ پلانەكا روو ب رووبوونا وی ئەگەری نینە».
وی پسپۆرێ ئابۆرێ نێڤدەولەتی ل دووماهیێ ئاماژە كر» پلانا ب لەز بۆ وێ رەوشا ئیراقێ، تنێ دێ ئەو بیت كو ل رێكا شوینكر بگەریێت بۆ هنارتنا پەترۆلا خوە، د وی حالەتیدا ژی باشترین و ئامادەترین رێك بۆریێن هەرێما كوردستانێ جەیهانا توركی كو پەترۆلا خوە بفرۆشیت».
