ئیراق ڕاسـتە ڕێ نـابیت
عەمەر هەرگوش
پشتی هەولێن زۆر ژلایێ دۆستێن ئیراقی ڤە کو عیراق ژ بو بەرژەوەندیا گشتیا ئیراقی نە هێلین حەشدا شەعبی جهێ پێیێ خو ل ئیراقێ موکم کەت و یاسا حەشدا شەعبی تێپەرێنین زێدەتر دۆخێ ئیراقێ ئالوزتر بکەت پێ دچیت کو سوودانی دناڤبەرا چەکوچ و سندانێ ئەمریکی و ئیرانیدا گیرۆدە مابیت و نە شێن قەنجیێ ل هەردویان بکەت ژلایەکیڤە تازە یێ رێکەوتنا دگەل علی لاریجانی ئەمیندارێ گشتیێ ئەنجومەنا ئاسایشا نەتەوەیا ئیرانێ دکەت و پتر گرنگیێ ب حەشدا شەعبی ددەت، مایکۆ روبیۆ ژی دۆخ ئالۆزتر لێکر و گۆت ئەگەر پشگیریا یاسایا حەشدا شەعبی بێن کرن دێ ئیراق توشی دورپێچێن ئابوریێن سەخت بیت و کاردانەوێن کاریگەر دێل سەر ئیراقێ هەبن، ددەمەکیدا کو رەوشا دەڤەرێ گەلەکا ئالۆزە و بارێ ل سەر پشتا ئیرانێ یێ خاربی و گەف و هەرەشێن مەزنێن ل سەر ئیرانێ کو نکارین ب هیچ تەرزەکی خۆ ژێ دەرباز بکەت، هەق نیە عیراق بەرژەوەندیا نەتەوەیا خۆ بئێختە مەترسیێ و زێدەتر خۆ ب کەتە ئارمانجەکا ب ساناهی بۆ ئەمریکا و ئیسرائیلێ، هەر ئیرۆ دهێت گوتن کو زێدە ژ دە بانکێن ئیراقی دەرگەهێن خۆ قەپاتکرینە و زوربەی پارێ ئیراقێ ل جهێن تایبەتی دهێن دەینان و رەنگە رەوشا ناڤخوژێ تووشی ئالۆزیێ ببیت جونک و جوداهیی دناڤبەرا لایەن و پیکهاتان دا یا زێدەتر دبین و گڤاشێن نێڤدەولەتی ژ ی لە سەر حکومەتا عیراقی و لایەنێن بەرهەلستکار ژی یا زێدەتبین، ئیدی ئێکدی قەبوول نەکرن یا بوویە رەوشت و کەسایەتیەکی وەکی حەلبوسی دناڤ مراسمێن شیعادا ناهێتە قەبوولکرن و ل پێش چاڤێن خەلکی دکەنە ژ دەرڤە، ئەڤرۆ کو گەرەکە پەرلەمانێ عیراقێ رۆلێ کاریگەرێ ئێکگرتی بلەیزین دا دخزمەتا عیراقیا دابین و هەمی لایەن وەکی برا ب دلسوزی خودی هەلوێستێ نیشتمانی دەرکەڤن و دبەرژەوەندا عیراقێ بریارا بدەن هەمی کارێ وا یێ بیە ئەو کو یاسایا حەشدێ تێپەرینن ئان بلۆک بکەن ،مالکی ب خۆژی ب سفکاتی دبێژێن پەرلەمان یێ بوویە هەیکەل و جهێ شەرانە، گەلێ عێراقێ ناچارە هەتا ئەبەد ل بەندا سەرکردێن عیراقێ بیت کو بەس چاڤ یێل دەرێی سنورێن عیراقێ دا فەرمان بج وان بهێن بریارێن دەرەکی ل سەر عیراقیان ب سەپینن و ل دیڤ بەرژەوەندیێن وەلاتێ دراوسێ عیراقێ ببەن ب رێڤە و پتر عیراقێ ل شەڕ و مالوێرانیان نێزیک کەن و کولانێن پایتەختێ خۆ دیسا ژ خوینێ بکەنە گۆم ، هەمی دزانن دوسەر د مەنجەلێکدا نا کەلن و ل هیچ دەرەکی ئاگر و بەنزین پێکڤە نابن هەمی دزان ئەمریکا و ئیران وەکی هێلێن سار و گەرمێن کارەبایێنە ل هەر جهەکی بگەنە ئێک ل ڤان کاودانادا دێبیتە ئاگر، باشە چاوا ئەمریکا و عەلی لاریجانی دێ د ئێک پایتەختی دا ئێک قەبوول کەن کو دو بەرژەوەندیێن دژی هەڤ ب رۆژانە پێکڤە کار بکەن ،هەرکەسەک چەقویا خۆ بۆ یێ دیتر تیژ کەت و ئاراستێ تۆپ و راکێتێن خۆ بو سینگێ هەڤ دو ئامادەکەن و خەلکێ عیراقێژێ د دلەراوکێ و شپرزەیێ دا رۆژێن خۆ ببۆرینن و چاڤێ وان ل ئاسمانی بیت کەنگی راکێت بکەڤن٠
