ئیرانێ دڤێت پەیوەندیێن خوە ل گەل رۆسیا بهێزتر بکەت
مەسعود پزیشکیان سەرۆک کۆمارێ ئیرانێ د دیدارەکێ دا ل گەل سیرگێی شویگۆ سکرتێرێ جڤاتا ئاسایشا نشتیمانی یا رۆسیا دیار کر، وەلاتێن رۆژئاڤایی دەست ب سزادانا ئیرانێ و رۆسیا کرینە، ئەمریکا دڤێت رەوشا رۆژهەلاتا ناڤین ئالۆزتر لێ بکەت، ئەمریکا نەڤێت رەوشا دەڤەرێ یا ئارام بیت و ژ بەر ڤێ یەکێ ژی وەکو ئیران وان دڤێت د هەموو بیاڤان دا پەیوەندیێن خوە ل گەل رۆسیا باشتر لێ بکەن.
ل ئالیێ دی سکرتێرێ جڤاتا ئاسایشا نشتیمانی یا رۆسیا ژی دیار کر، ئەمریکا و ناتۆ ب رێیا ئۆکرانیایێ نها شەڕەکێ دژوار ل دژی رۆسیا برێڤە دبەن، لێ رۆسیا ب چو رەنگەکێ رێ نادەت ئەمریکا و ناتۆ مەترسیان بۆ ئاسایشا وێ دروست بکەن، رۆسیا دێ بەردەوامیێ دەتە شەڕێ نها و هەتا وەکو رۆسیا ئەم ل ئۆکرانیایێ نەگەهینە ئارمانجێن خوە دێ شەڕێ نها ب دژواری بەردەوام بیت.
