ئیرانێ کرمانجی ل کوردێن خۆراسانێ قەدەغەکر
ئەڤرۆ نیۆز،زنار تۆڤی:
هێزێن ئێمناهی یێن کۆمارا ئیسلامی یا ئیرانێ خواندن و چاپکرن و بەلاڤکرنا پەرتووکێن کرمانجی ب رێنڤیسا لاتینی ل باژێرێ مەشهەدا باکۆرێ خۆراسانێ قەدەغەکرن.
هەروەسا چەندین نڤیسەر و رەوشەنبیرێن کورد ل کوردستانا رۆژهەلات دیارکرینە کو پەرتووکا نڤێسین و خواندنا کوردیا کرمانجی کو ل سالا 2015 هاتبوو چاپکرن،هاتیە قەدەغەکرن و گەلەک چاپێن وێ پەرتووکێ هاتینە دەستەسەرکرن.
هەر چەندە ئەڤ پەرتووکە ژلایێ وەزارەتا فەرهەنگ و ئیرشادا ئیسلامی یا ئیرانێ دەستۆرا چاپکرنێ بۆ هاتبوودان،لێ نوکە قەدەغەکریە.
دهێتە زانین کو پتری سێ ملیۆن کوردێن کو ب کرمانجی د ئاخڤن ل باژێرێن بژنۆرد و شێروان و مەشهەدا باکۆرێ خۆراسانێ هەنە.
