ئیرانێ گه‌ف ل دایكا گرتیه‌كا كورد كر
ئه‌ڤرۆ:
رێكخستنا مافێن مرۆڤی یا رۆژهه‌لاتێ كوردستانێ د داخۆیانیه‌كێ دا راگه‌هاند كو هێزێن ئێمناهیێ یێ ئیرانێ دو رۆژان به‌ری نها گوزه‌ل حاجی زاده دایكا گرتیا كورد زه‌ینه‌ب جه‌لالیان ده‌سته‌سه‌ر كرن و گه‌فا هندێ ژی لێ كرن كو نابیت ب چو ره‌نگه‌كێ بۆ ده‌زگه‌هێن راگه‌هاندنێ بئاخڤیت و هه‌كه جاره‌كا دی بۆ ده‌زگه‌هێن راگه‌هاندنا ده‌رڤه بئاخڤیت دێ ب توندی هێته سزادان.
ئه‌و گه‌فێن هێزێن ئیرانێ پشتی هندێ هات كو به‌ری چه‌ند رۆژان دایكا زه‌ینه‌ب جه‌لالیان داخواز ژ هه‌موو سازی و رێكخستنێن مافێن مرۆڤی كربوو كو كار بۆ ئازادكرنا كچا وێ بكه‌ن.
