ئیران: ئالۆزیێن ل سووریێ د بەرژەوەندیا ئسرائیلێ دانە
عەباس ئیراقچی وەزیرێ دەرڤە یێ ئیرانێ د داخویانیەکێ دا سەبارەت ب ئالۆزیێن ل رۆژهەلاتا ناڤین دیار کر، بەری ژناڤچوونا رژێما بەشار ئەسەدی گەلەک کەسان حسابێن جودا کربوون، لێ نها راستی بۆ هەموو ئالیان ئاشکرا بوو، ژناڤچوونا دەستهەلاتا بەشار ئەسەدی و ئالۆزیێن ل سووریێ تنێ د بەرژەوەندیا ئسرائیلێ دانە و مخابن هندەک وەلات بوونە ئەگەرێ ئالۆزیێن مەزن ل سووریێ و نها ژی زیانا خوە یا مەزن بۆ وان وەلاتان هەیە.
وەزیرێ دەرڤە یێ ئیرانێ ئەو یەک ژی دیار کر، بەری نها وان ئاماژە ب پیلانێن مەترسیدار یێن ئەمریکا و ئسرائیلێ ل رۆژهەلاتا ناڤین کربوون، لێ مخابن هندەک وەلاتێن رۆژهەلاتا ناڤین ژ بۆ بەرژەوەندیێن خوە هاریکاریا پیلانا ئەمریکا و ئسرائیلێ کرن، نها رەوشا سووریێ گەلەک خرابە و کاریگەریا خوە یا گەلەک خراب ل سەر رەوشا ژیانا خەلکێ ژی کریە، ئالۆزیێن سووریێ زیانا خوە بۆ هەموو وەلاتێن رۆژهەلاتا ناڤین هەنە و تنێ ئسرائیل یا مفادارە.
