ئیران: ئەمریکا جهێ باوەریێ نینە
پەیڤدارێ وەزارەتا دەرڤە یا ئیرانێ سەبارەت ب بزاڤێن هندەک وەلاتان بۆ راگرتنا شەڕی دیار کر، باوەریا ئیرانێ ب ئەمریکا ناهێت و ترامپ هەر رۆژ تشتەکێ دبێژیت و گەفا وێرانکرنا ژێرخانا ئابووری یا ئیرانێ دکەت، د دەمەکێ وەسا دا گەلەک زەحمەتە کو ئیران باوەریا خوە ب ئەمریکا بینیت و نها ئیران یا پێدڤی بۆ پاراستنا خوە دکەت و هەکە ئەمریکا ئێرشی ژێرخانا ئابووری و ب تایبەتی ژی کەرتێ وزێ بکەت دێ هەمان تشت ل دژی هەڤپەیمانێن ئەمریکا ل رۆژهەلاتا ناڤین هێتە کرن.
ئیسماعیل بەقایی ئەو یەک ژی دیار کر، ئیران دوژمناتیا چو وەلاتەکێ ل رۆژهەلاتا ناڤین ناکەت، تنێ ئیران ئێرشی بنگەهێن ئەمریکا دکەت و دڤێت وەلاتێن رۆژهەلاتا ناڤین ژی رێ نەدەن ئەمریکا ئاخا وان بۆ لێدانا ئیرانێ بکار بینیت و د رەوشا نها دا ئیران چو داخوازیێن ئەمریکا قەبوول ناکەت و دڤێت ئەمریکا شەڕی راگریت و قەرەبۆیا زیانێن کو بەر خەلکێ ئیرانێ کەفتینە ژی بکەت.
