ئیران: ئەم بۆ هەر پێشهاتەکێ دبەرهەڤین
مەسعود پزیشکیان سەرۆک کۆمارێ ئیرانێ راگەهاند وان بەری نها ژ بۆ وەلاتێن رۆژئاڤایی و ئەمریکا ژی دیار کرینە کو بەرهەڤن پرسا بەرنامێ ئەتۆمی یێ ئیرانێ ب رێیا دانوستاندنان چارەسەر بکەن، لێ هەکە ئەمریکا یان ژی ئسرائیلێ بڤێت ئێرشی ئیرانێ بکەن ئەو یەک دێ بیتە ئەگەرێ روودانا شەڕەکێ مەزن ل دەڤەرێ، چونکی ئیرانێ ژی گەلەک کارتێن بهێز هەنە دێ ل دژی ئسرائیلێ بکار ئینیت.
سەرۆک کۆمارێ ئیرانێ ئەو یەک ژی دیار کر، شەڕ د بەرژەوەندیا چو ئالیەکێ دا نینە و ژ بۆ ڤێ یەکێ ژی بەری نها ئیرانێ دیار کریە وان دڤێت ب رێیا دانوستاندنان هەموو پرسێن هەی چارەسەر بکەن، لێ د هەمان دەمی دا ئیرانێ خوە بۆ هەر پێشهاتەکێ ژی بەرهەڤ کریە و رێ نادەین چو وەلاتەک مەترسیێ بۆ ئیرانێ دروست بکەت.
