ئیران: ئەم بەرهەڤیان بۆ شەڕەکێ دەمدرێژ دکەین
فەرماندارەکێ سوپایێ پاسداران دیار دکەت، هەتا نها ژی ئسرائیل ب رەنگەکێ جودا جودا ئاریشەیان بۆ ئیرانێ دروست دکەت و زانیاریێن ل بەر دەستێ وان ژی نیشا ددەن ئسرائیل بەرهەڤیان بۆ ئێرشەکا نوو ل دژی ئیرانێ دکەت، ژ بەر ڤێ یەکێ ژی وەکو ئیران وان بەرهەڤیێن خوە کرینە و دێ ڤێجارێ ب توندی بەرسڤا ئسرائیلێ دەن، چونکی ئسرائیل و ئەمریکا بابەتێ بەرنامێ ئەتۆمی یێ ئیرانێ دکەنە بەهانە، هەکە ئیران دەست ژ بەرنامەیێن خوە یێن ئەتۆمی و موشەکی بەردەت ژی هەر دیسان دێ ئەمریکا و ئسرائیل ئاریشەیان بۆ ئیرانێ دروست کەن.
ئەمیر حاتەمی ئەو یەک ژی دیار کریە، ئارمانجا ئەمریکا و ئسرائیلێ ژناڤبرنا دەستهەلاتا نها یا ئیرانێ یە، مخابن هندەک وەلاتێن دەڤەرێ ژی هاریکاریا بەرنامەیێ ئسرائیلێ دکەن، ژ بەر ڤێ یەکێ ژی ئیرانێ خوە بۆ شەڕەکێ دەمدرێژ ل گەل ئەمریکا و ئسرائیلێ بەرهەڤ کریە.
