ئیران: بۆ هەر ئەگەرەکێ بەرهەڤین
سەرۆکێ پەرلەمانێ ئیرانێ دیار کر، ئەمریکا دڤێت ل ژێر ناڤێ رێککەفتنێ ئیران خوە رادەست بکەت، بێگومان ئەو یەک ب چو رەنگەکێ ناهێتە قەبوول کرن و هەکە ئەمریکا دڤێت پرسێن هەی بهێنە چارەسەرکرن دڤێت رێزێ ل ئیرادەیا گەلێ ئیرانێ بگریت، مخابن نها ترامپی دڤێت هەموو داخوازیێن خوە ل سەر ئیرانێ فەرز بکەت و ئیران ژی ب توندی فشارێن ترامپی رەت دکەت.
محەمەد باقر قالیباف ئەو یەک ژی دیار کر، هەکە ئەمریکا بڤێت ئێرشی ئیرانێ بکەت وی دەمی دێ هەموو رۆژهەلاتا ناڤین بیتە مەیدانا شەڕی، چونکی ئیران داخوازیێن ئەمریکا یێن بۆ دانوستاندنان رەت دکەت و د هەمان دەمی دا ئیرانێ خوە بۆ هەر ئەگەرەکێ بەرهەڤ کریە و نها هەموو هێزێن سەربازی یێن ئیرانێ د ئامادەباشیێ دانە و دڤێت ترامپ ژی باش بزانیت ب گەفان و ئێرشێن سەربازی چو پرسەک ناهێتە چارەسەرکرن.
