ئیران: بێی مەرج ل گەل ئەمریکا دانوستاندنان ناکەین
پەیڤدارێ وەزارەتا دەرڤە یا ئیرانێ دیار کر، وەکو ئیران ئەو ب چو رەنگەکێ ل گەل ئەمریکا دەست ب دانوستاندنان ناکەن، دڤێت بەری هەر تشتەکێ ئەمریکا گەرەنتیێ بدەت، کو جارەکا دی ئسرائیل ئێرشی ئیرانێ ناکەت و هەروەسا ئیران ب چو رەنگەکێ پیتاندنا یۆرانیۆمێ ژی نادەتە راگرتن، لێ هەتا نها ئەمریکا بەرهەڤ نینە مەرجێن ئیرانێ قەبوول بکەت، ژ بەر ڤێ یەکێ ژی وەکو ئیران هەتا نها ئەو بەرهەڤ نینن ل گەل ئەمریکا دانوستاندنان بکەن و چو زڤانەک ژی نەهاتیە دیار کرن.
ئیسماعیل بەقایی ئەو یەک ژی دیار کر، باوەریا ئیرانێ ب سۆزێن ئەمریکا ناهێت، ئیرانێ گەرەنتی دڤێت و هەتا نها ئەمریکا چو گەرەنتیەک نەدایە، ب تایبەتی ژی پشتی سەرەدانا نەتانیاهۆیی یا بۆ ئەمریکا ئسرائیلێ دڤێت جارەکا دی ئێرشی ئیرانێ بکەت، د دەمەکێ وەسا دا بێگومان ئیران ل گەل ئەمریکا چو دانوستاندنان ناکەت و هەکە ئسرائیل ئێرشی ئیرانێ ژی بکەت دێ ڤێجارێ بەرسڤا ئیرانێ گەلەک یا توند بیت.
