ئیران بەردەوام گرتیێن سیاسی ل سێدارە ددەت
هژمارەک چالاکڤانێن مافێن مرۆڤی یێن ئیرانێ و رۆژهەلاتێ کوردستانێ د داخۆیانیەکێ دا دیار کرن پشتی ئالۆزیێن ڤێ دووماهیێ ل ئیرانێ کو د ئەنجام دا ب هزاران کەس هاتینە گرتن نها د زیندانان دا رەوشا گرتیان گەلەک خرابە و هەروەسا ئیران بەردەوام گرتیێن سیاسی ل سێدارە ددەت.
چالاکڤانان ئەو یەک ژی دیار کرینە بەری دو رۆژان سێ وەلاتیێن بەلوچ ب تومەتا کو هاریکاریا رێکخستنا جەیش عەدل کرینە ل زیندانێ سزایێ وان یێ سێدارەدانێ هاتیە بجهئینان و ئەو یەک ژی نیشا ددەت رێژەیا سێدارەدانێ ل ئیرانێ د دو سالێن بۆری دا گەلەک زێدە بوویە و دڤێت وەلاتێن ئێکەتیا ئۆرۆپا و رێکخستنێن مافێن مرۆڤی ل هەمبەر رەوشا خراب یا مافێن مرۆڤی ل ئیرانێ بێدەنگ نەمینن.
