ئیران ب توندی هۆشداریێ ددەتە ئسرائیلێ
کەمال خەرازی شیرەتکارێ رێبەرێ شۆرەشا ئیسلامی یا ئیرانێ راگەهاند هەکە ئسرائیل شاشیەکا دیرۆکی بکەت و ئێرشی حزبوللا لوبنانێ بکەت ئیران ژی بێدەنگ نامینیت و دێ یا پێدڤی ل دژی ئسرائیلێ کەت، ژ بەر ڤێ یەکێ ژی گرنگە ئسرائیل هزرا هەر تشتەکێ بکەت و نەبیتە ئەگەرێ روودانا کارەساتێن مەزن بۆ دەڤەرێ.
ناڤهاتی ئەو یەک ژی دیار کر، وەکو ئیران وان نەڤێت چو شەڕێن دی ل دەڤەرێ روو بدەن، روودانا هەر شەڕەکێ نوو د بەرژەوەندیا ئیرانێ و ئەمریکا دا ژی نینە، ژ بەر ڤێ یەکێ ژی دڤێت بەرپرسێن ئەمریکا ژی هەست ب بەرپرسیاریا خوە بکەن و نەهێلن ئسرائیل ئێرشی حزبوللاهێ بکەت، چونکی ئەو یەک دێ کاریگەریا خوە یا خراب ل هەموو دەڤەرێ کەت و دێ بیتە ئەگەرێ روودانا کارەساتێن مەزن، ژ بەر ڤێ یەکێ ژی وەکو ئیران ب توندی هۆشداریێ ددەینە ئسرائیلێ کو چو شاشیان نەکەت.
