ئیران ب توندی هۆشداریێ ددەتە تالیبانێ

ب، سه‌رجان مەحمود:

ئاژانسا نووچه‌یان یا فارس راگه‌هاند کو ل پارێزگەها سیستان و به‌لوچستان ل سه‌ر سنۆرێ ئه‌فغانستانێ د ناڤبه‌را زێرەڤانێن سنوری یێن ئیرانێ و چه‌کدارێن تالیبانێ دا شه‌ر روو دایە و د ئه‌نجاما وی شه‌ڕی دا سێ که‌س هاتینه‌ کوشتن و دو لەشکرێن ئیرانێ ژی بریندار بووینه‌. ل دووڤ ئاژانسا ناڤهاتی ئالۆزیا د ناڤبه‌را هه‌ردو ئالیان دا به‌رده‌وام دکه‌ت.
ل ئالیێ دی بەرپرسەکێ سەربازی یێ تالیبانێ ژی راگەهاند، وان نەڤێت شەرێ ئیرانێ بکەن، لێ دڤێت ئیران ژی رێزێ ل ئەفغانستانێ بگریت و دەستان ژ دروستکرنا ئالۆزیان ل سەر سنوری بەردەت.
چاڤدێرێن سیاسی ژی دیار دکەن، بابەتێ پارڤەکرنا ئاڤا رووبارێ هیرمەند ئاریشا سەرەکی یا د ناڤبەرا ئیرانێ و تالیبانێ دایە، چونکی بەری نها چەندین جاران بەرپرسێن ئیرانێ دیار کرینە، نابیت تالیبان رێگریێ ل هاتنا ئاڤا رووبارێ هیرمەند بۆ ئیرانێ بکەت.

کۆمێنتا تە