ئیران: خوە بۆ بەرسڤدانا ئسرائیلێ بەرهەڤ دکەین
وەزیرێ دەرڤە یێ ئیرانێ راگەهاند ئسرائیلێ ب ئێرشا ڤێ دووماهیێ یا ل سەر ئیرانێ شاشیەک گەلەک مەزن کر، ئیران ل هەمبەر ئێرشا ئسرائیلێ و بزاڤێن وی وەلاتی یێن بۆ تێکدانا ئارامیا رۆژهەلاتا ناڤین بێدەنگ نامینیت و دێ ب توندی بەرسڤا ئسرائیلێ دەت.
عەباس عیراقچی ئەو یەک ژی دیار کر، ئسرائیلێ دڤێت ئالۆزیێن مەزن ل دەڤەرێ دروست بکەت و ئەمریکا ژی پشتەڤانیێ ل بزاڤێن ئسرائیلێ دکەت، رۆژانە وەلاتیێن سڤیل ل غەزە و لوبنانێ دبنە قوربانی و مخابن جڤاکێ نێڤدەولەتی ژی ل هەمبەر کریارێن ئسرائیلێ بێدەنگە، ئەو یەک ب چو رەنگەکێ ناهێتە قەبوول کرن و ئێرشا ڤێ دووماهیێ یا ئسرائیلێ ل سەر ئیرانێ ژی جارەکا دی سەلماند کو ئسرائیل رێزێ ل قانوونێن نێڤدەولەتی ژی ناگریت، وەکو ئیران نها ئەو بەرهەڤیێن خوە دکەن و د دەمەکێ گونجای دا دێ ب توندی بەرسڤا ئسرائیلێ دەن، ئیران رێ نادەت ئسرائیل و ئەمریکا مەترسیان بۆ بەرژەوەندیێن وێ دروست بکەن.
