ئیران خوە بۆ شەڕەکێ دەمدرێژ بەرهەڤ دکەت
سەرۆکێ پەرلەمانێ ئیرانێ دیار کر، هەلوەستێ وەلاتێن ئۆرۆپی ژی ل هەمبەر ئیرانێ هاتیە گوهۆڕین و سزادانا ئیرانێ ژ ئالیێ سێ وەلاتێن بریتانیا، ئەلمانیا و فرەنسا نیشا ددەت وەلاتێن ئێکەتیا ئۆرۆپا ژی ب هەموو رەنگەکێ پشتەڤانیێ ل سیاسەتا ئەمریکا و ئسرائیلێ دکەن و ئەو یەک دشێت ببیتە ئەگەرێ ئالۆزیێن نوو ل دەڤەرێ.
محەمەد باقر قالیباف ئەو یەک ژی دیار کر، ئسرائیل ب پشتەڤانیا ئەمریکا خوە بۆ ئێرشەکا نوو ل دژی ئیرانێ بەرهەڤ دکەت، زانیاریێن تەمام ل بەر دەستێ وان هەنە، کو ئسرائیلێ چەکێن گران ژ ئەمریکا وەرگرتینە و سیستەمێ بەرگریێ یێ وەلاتێ خوە ژی بهێزتر دکەت، ئەو یەک ژی نیشا ددەت شەڕەکێ نوو ل بەر دەرگەهێ ئیرانێ یە و ژ بەر ڤێ یەکێ ژی دڤێت ئیران خوە بۆ شەڕەکێ مەزن و دەمدرێژ بەرهەڤ بکەت و شەڕێ ڤێجارێ وەکو بەری نها نابیت و ئیران دێ ب هەموو هێزا خوە ل ئسرائیلێ دەت.
