ئیران داخوازەکێ ژ جڤاکێ نێڤدەولــەتی دکــەت
پەیڤدارێ وەزارەتا دەرڤە یا ئیرانێ راگەهاند، دڤێت جڤاکێ نێڤدەولەتی ل هەمبەر تاوانێن ئسرائیلێ ل غەزە بێدەنگ نەبیت، چونکی رۆژانە ئسرائیل ب چەکێ ئەمریکا ئێرشی غەزە دکەت و هەتا نها پتر ژ بیست هزار وەلاتیێن سڤیل کو پرانیا وان ژی ژن و زارۆنە هاتینە کوشتن، ژ بەر ڤێ یەکێ ژی دڤێت جڤاکێ نێڤدەولەتی و ئەو وەلاتێن رۆژانە بەحسێ مافێن مرۆڤی دکەن ب توندی دەست ب سزادانا ئسرائیلێ بکەن، مخابن هەتا نها جڤاکێ نێڤدەولەتی ل هەمبەر تاوانێن ئسرائیلێ خوەدان هەلوەستەک باش نەبوویە.
ناسر کەنعانی ئەو یەک ژی دیار کر، دڤێت وەلاتێن ئیسلامی ل هەمبەر کوشتنا خەلکێ غەزە ب دەستێ ئسرائیلێ هەلوەستەک توند نیشا بدەن و پێکڤە دەست ب سزادانا ئسرائیلێ بکەن، مخابن ژ بەر هندەک بەرژەوەندیێن سیاسی هەتا نها یا پێدڤی ل دژی ئسرائیلێ نەهاتیە کرن، ئێدی دەم یێ هاتی ب کریاری ل دژی ئسرائیلێ هندەک تشت بهێنە کرن.
