ئیران: دانوستاندنێن مە و ئەمریکا د بەردەوامن
عەلی باقری بەرپرسێ کاروبارێن وەزارەتا دەرڤە یا ئیرانێ راگەهاند، دەمەکە ل وەلاتێ عومان شاندێ ئیرانێ ل گەل ئەمریکا دانوستاندنان دکەن و هەتا نها ژی دانوستاندنێن وان ل گەل ئەمریکا بەردەوام دکەن، گەلەک پرس هەنە دڤێت بهێنە چارەسەر کرن و ئیرانێ ژی هندەک داخوازیێن خوە هەنە، ژ بۆ چارەسەرکرنا پرسێن ل گەل ئەمریکا هەتا نها چو نەهاتیە کرن لێ دانوستاندن ژی د بەردەوامن.
ناڤهاتی ئەو یەک ژی دیار کر، ئەمریکی دبێژن دڤێت ئیران بەرنامێ خوە یێ ئەتۆمی بدەتە راگرتن، لێ ل هەمبەر وێ هەتا نها ئەمریکا یا بەرهەڤ نینە داخوازیێن ئیرانێ قەبوول بکەت، هەروەسا نها ئێرشێن گەلەک دژوار ل سەر غەزە هەنە و رۆژانە وەلاتیێن سڤیل دبنە قوربانی، مە داخواز ژ ئەمریکا کریە ب رۆلێ خوە رابیت و فشارێن خوە ل سەر ئسرائیلێ زێدەتر لێ بکەت دا ئسرائیل یا نەچار بیت ئێرشێن خوە ل سەر خەلکێ سڤیل ل غەزە و دەڤەرێن دی بدەتە راگرتن.
