ئیران: دڤێت ئاژانسا ئەتۆمی ب ئەرکێ خوە رابیت
وەزیرێ دەرڤە یێ ئیرانێ راگەهاند ئەو دێ ل گەل رێڤەبەرێ گشتی یێ ئاژانسا جیهانی یا ئەتۆمی ل مسرێ کۆمبیت و دێ سەبارەت ب پاشەرۆژا بەرنامێ ئەتۆمی یێ ئیرانێ دانوستاندنان کەن، لێ گرنگە ئاژانسا ئەتۆمی ب ئەرکێ خوە رابیت و ل دژی ئیرانێ کار نەکەت، چونکی د دەمێن بۆری دا ئاژانسا ئەتۆمی گەلەک دژبەریا بەرنامێ ئەتۆمی یێ ئیرانێ کر و راستیێن هەی بۆ جڤاکێ نێڤدەولەتی ئاشکرا نەکر.
ئەو یەک د دەمەکێ دایە کو پشتی ئێرشا ئسرائیلێ بۆ سەر ئیرانێ پەرلەمانێ وی وەلاتی بریار دا هەموو پەیوەندیێن ئیرانێ ل گەل ئاژانسا ئەتۆمی بهێنە راگرتن وداخوازا سزادانا کرۆسی سەرۆکێ ئاژانسا کربوون.
ل ئالیێ دی بەری چەند رۆژان محەمەد جەواد زەریف وەزیرێ بەری یێ دەرڤە یێ ئیرانێ ژی دیار کربوو دڤێت ئیران پەیوەندیێن خوە ل گەل ئاژانسا ئەتۆمی باش بکەت و گرنگە ئیران دەست ب گەرەکا دی یا دانوستاندنان ل گەل ئەمریکا بکەت، چونکی ئەو یەک د بەرژەوەندیا ئیرانێ دایە.
