ئیران: دێ ب توندی بەرسڤا ئێرشا ئسرائیلێ دەین
پەیڤدارێ وەزارەتا دەرڤە یا ئیرانێ راگەهاند، ئێرشا ئسرائیلێ یا ل سەر ئیرانێ بنپێکرنا قانوونێن نێڤدەولەتی یە، مخابن وەلاتێن رۆژئاڤایی ل هەمبەر ئێرشا ئسرائیلێ بێدەنگن و ئەو یەک ژی نیشا ددەت هەلوەستێ وەلاتێن رۆژئاڤایی د خزمەتا سیاسەتا ئسرائیلێ دایە، لێ وەکو ئیران ئەو دێ ب توندی بەرسڤا ئێرشا ئسرائیلێ دەن و رێ نادەن ئسرائیل ئالۆزیان بۆ ئیرانێ دروست بکەت.
ئیسماعیل بەقایی ئەو یەک ژی دیار کر، هێزێن ئیرانێ شیان ب رەنگەکێ باش بەرسڤا ئسرائیلێ بدەن و زیانێن ئێرشا ئسرائیلێ ژی گەلەک کێم بوون، لێ وەکو ئیران وان بەرهەڤیێن خوە کرینە و دێ د دەمەکێ گونجای دا بەرسڤا ئێرشا ئسرائیلێ دەن.
ل ئالیێ دی وەزارەتا دەرڤە یا ئەمریکا ژی دیار کر، هەکە ئیران بەرسڤا ئێرشا ئسرائیلێ بدەت، وەکو ئەمریکا ئەو دێ ب هەموو شیانێن خوە بەرسڤا ئیرانێ دەن و وی دەمی دێ رەوشا دەڤەرێ ژی گەلەک ئالۆزتر لێ هێت، ژ بەر ڤێ یەکێ ژی گرنگە ئیران بەرسڤا ئێرشا ئسرائیلێ نەدەت و نەبیتە ئەگەرێ ئالۆزیێن زێدەتر ل دەڤەرێ.
