ئیران: دێ هەموو شیانێن خوە ل دژی ئسرائیلێ بکار ئینین
ئیسماعیل بەقایی پەیڤدارێ وەزارەتا دەرڤە یا ئیرانێ دوهی د پرێس کۆنفرانسەکێ دا راگەهاند، ئێرشا ئسرائیلێ یا ل سەر ئیرانێ بێ بەرسڤ نابیت، وەکو ئیران ئەو بەرهەڤیان دکەن و دێ ب هەموو شیانێن خوە ئێرشی ئسرائیلێ کەن و دێ دربەکا مەزن ل ئسرائیلێ دەن دا جارەکا دی ئسرائیل ئاریشان بۆ ئیرانێ دروست نەکەت.
ناڤهاتی ئەو یەک ژی دیار کر وەزیرێ دەرڤە یێ ئیرانێ دێ سەرەدانا پاکستانێ و هندەک وەلاتێن دی یێن دەڤەرێ ژی کەت، چونکی نها ئسرائیل بوویە مەترسیەکا گەلەک مەزن بۆ سەر وەلاتێن رۆژهەلاتا ناڤین و دڤێت د ئاستێ وەلاتێن ئیسلامی دا هەلوەستەک جدی ل دژی ئسرائیلێ هەبیت، مخابن هەلوەستێ گەلەک ژ وەلاتێن عەرەبی و ئیسلامی ل دژی ئسرائیلێ وەکو پێدڤی نینە و وەکو ئیران مە دڤێت ل گەل وەلاتێن دی ئەم پێکڤە رێگریێ ل ئسرائیلێ بکەین.
