ئیران: دێ پیلانێن ل دۆر سووریێ ژناڤ بەین
وەزیرێ دەرڤە یێ ئیرانێ عەباس عێراقچی سەرەدانا تورکیا کر و بۆ دەزگەهێن راگەهاندنا وی وەلاتی دیار کر، هندەک وەلاتێن جیهانێ حسابێن شاش ل سەر پاشەرۆژا سووریێ دکەن، ئیران و رۆسیا ب چو رەنگەکێ رێ نادەن گرۆپێن تیرۆرستی ل سووریێ بگەهنە ئارمانجێن خوە و ئەو دێ ل گەل رۆسیا ب هەموو رەنگەکێ ل دژی وان گرۆپێن تیرۆرستی راوەستن و رێ نادەن رەوشا سووریێ ئالۆزتر لێ بهێت.
ناڤهاتی ئەو یەک ژی دیار کر، ئەمریکا و ئسرائیل دخوازن رەوشا نها یا سووریێ ئالۆزتر لێ بهێت و وان دڤێت پشتی سووریێ رەوشا هندەک وەلاتێن دی یێن رۆژهەلاتا ناڤین ژی ئالۆز بکەن، ژ بەر ڤێ یەکێ وەکو ئیران سەبارەت ب ڤی بابەتی دێ ل گەل بەرپرسێن تورکیا ئاخڤن و دڤێت هەلوەستێ تورکیا ژی د خزمەتا ئارامیا سووریێ دا بیت، چونکی دەمێ رەوشا سووریێ ئالۆز بیت ئەو یەک دێ کاریگەریا خوە یا گەلەک خراب بۆ تورکیا ژی هەبیت و دڤێت تورکیا ژی هاریکار بیت دا ئالۆزیێن نها ب دووماهی بهێن.
