ئیران: دەست ژ بەرنامەیێ خوە یێ ئەتۆمی بەرنادەین
مەسعود پزیشکیان سەرۆک کۆمارێ ئیرانێ د داخویانیەکێ دا بۆ دەزگەهێن راگەهاندنا ئیرانێ دیار کر، ئیرانێ دڤێت ل گەل ئەمریکا و وەلاتێن رۆژئاڤایێ دەست ب دانوستاندنان بکەت و هەموو پرسێن هەی ژی چارەسەر بکەت، لێ د هەمان دەمی دا ئیران دەست ژ بەرنامەیێ خوە یێ ئەتۆمی بەرنادەت، نابیت ئەمریکا و وەلاتێن ئێکەتیا ئۆرۆپا داخوازەک وەسا ژ ئیرانێ بکەن، چونکی ئیران ب چو رەنگەکێ داخوازا وان قەبوول ناکەت.
سەبارەت ب ئەگەرێ ئێرشەکا نوو ژ ئالیێ ئەمریکا و ئسرائیلێ ڤە ژی سەرۆک کۆمارێ ئیرانێ دیار کر، ئیرانێ نەڤێت شەڕێ چو ئالیەکێ بکەت، لێ هەکە ئسرائیلێ بڤێت جارەکا دی ئێرشی ئیرانێ بکەت، ئیران دێ ب هەموو هێزا خوە بەرسڤا ئسرائیلێ دەت، ئیران دشێت ڤێجارێ زیانێن گەلەک مەزنتر ژ بەری نها بگەهینتە ئسرائیلێ و گرنگە ئەمریکا ژی رێ نەدەت جارەکا دی ئسرائیل شاشیەکا وەسا بکەت.
