ئیران د رەوشــەکا گـەلـەک خـراب دایە
پشتی دەست ژ کارکێشانا محەمەد جەواد زەریف هاریکارێ سەرۆک کۆمارێ ئیرانێ، مەسعود پزیشکیان د داخویانیەکێ دا بۆ دەزگەهێن راگەهاندنێ دیار کر، نها ئیران د رەوشەکا گەلەک خراب دایە، نها رەوشا ئیرانێ ژ یا دەمێ شەڕێ هەشت سالان ل گەل ئیراقێ ژی خرابترە، چەند ملیار دۆلار پارێن مە ل قەتەر، ئیراق و وەلاتێن دی هەنە، لێ ئەمریکا ناهێلیت ئەم پارێن خوە وەرگرین.
سەرۆک کۆمارێ ئیرانێ ئەو یەک ژی دیار کر، مەبەستا ئەمریکا دانوستاندن نینە، وان دڤێت ئیران دەست ژ هەر تشتەکێ بەردەت و خوە رادەستی وان بکەت، بەری نها من چەندین جاران دیار کربوو ئەم بەرهەڤین ل گەل ئەمریکا دانوستاندنان بکەین، لێ پشتی من دیتی نیەتا ترامپی گەلەک خرابە ژ بەر ڤێ یەکێ ژی مە دیار کر ئەم ل گەل ئەمریکا دانوستاندنان ناکەین، لێ گەلەک وەلاتێن دی یێن جیهانێ ژی ژ ترسا ئەمریکا نەوێرن خوە نێزیکی ئیرانێ بکەن.
