ئیران روهنکرنەکێ دەربارەی هنارتنا موشه‌كێن بالستی بۆ عیراقێ ددەت
ئەڤرۆ نیوز ، زنار تۆڤی:
پەیڤدارێ وه‌زاره‌تا ده‌رڤە یا ئیرانێ گۆتیە، کو پروپاگندە د میدیایێ دا هاتینە بەلاڤەکرن، ب تایبه‌ت میدیایا رۆژئاڤا سه‌باره‌ت ب ڤەگوهاستنا موشه‌كێن بالستی ژ ئیرانێ بۆ عیراقێ، ئه‌و نووچە دبێ بنه‌مانە و دوورن ژ راستیێ.
ئاژانسا (ته‌سنیم) یا سه‌ر ب سوپایێ پاسدارێن ئیرانێ، د راپۆرتەکێدا ژ زارێ به‌هرام قاسمی پەیڤدارێ وه‌زاره‌تا ده‌رڤە یا ئیرانێ بەلاڤەکریە، ئه‌و نووچە و بەحسێن د چه‌ندین میدیایێن نافخۆیی و ده‌رڤە بەحسێ ڤەگوهاستنا موشه‌كێن بالستی یێن ئێرانێ بۆ عیراقێ دکەن، د بنه‌رەتدا وە نینه و ب تنێ ب مه‌به‌ستا دروستكرنا ترسێ و دو دلیێ دناڤا وەلاتێن جیران و دانانا كاریگه‌ریێ ل سه‌ر په‌یوه‌ندیێن ده‌رڤە یێن ئیرانێ و ب تایبه‌ت ل گه‌ل وەلاتێن جیران.
