ئیران رۆژانە چار کەسان ل سێدارە ددەت
رێکخستنا مافێن مرۆڤی یا رۆژهەلاتێ کوردستانێ دیار کر، ل گۆر نووترین ئامارێن ل بەر دەستێ وان دیار دبیت دەستهەلاتا نها یا ئیرانێ رۆژانە چار کەسان ل سێدارە ددەت و مەها بۆری ئیرانێ پتر ژ سەد کەس ل سێدارە داینە و نها ژی مەترسیا سێدارەدانێ ل سەر گەلەک گرتیان هەیە.
رێکخستنا مافێن مرۆڤی یا رۆژهەلاتێ کوردستانێ ئەو یەک ژی دیار کریە، پشتی شەڕێ ئسرائیلێ و ئیرانێ رێژەیا سێدارەدانێ ل ئیرانێ گەلەک زێدە بوویە و سێدارەدانا رۆژانە یا چار کەسان ل ئیرانێ کارەساتەک گەلەک مەزنە، لێ مخابن وەلاتێن کو رۆژانە بەحسێ مافێن مرۆڤی دکەن ژ بەر بەرژەوەندیێن خوە یێن ئابووری ل گەل ئیرانێ بەحسێ سێدارەدانێن ل ئیرانێ ناکەن.
بەری نها ژی رێکخستنا مافێن مرۆڤی یا رۆژهەلاتێ کوردستانێ دیار کربوو، ئیرانێ ل زیندانان و ب نهێنی گەلەک گرتیێن سیاسی ل سێدارە داینە و هەتا نها ژی کەسوکارێن گرتیان نەشیاینە تەرمێن زارۆیێن خوە وەربگرن.
