ئیران ل دۆر شەرێ نها ل غەزە هۆشداریێ ددەت
پەیڤدارێ وەزارەتا دەرڤە یا ئیرانێ راگەهاند، ئێرشێن ڤێ دووماهیێ یێن ئسرائیلێ ل سەر غەزە کو د ئەنجام دا ب سەدان وەلاتیێن سڤیل بووینە قوربانی جارەکا دی بۆ هەموو جیهانێ سەلماند ئسرائیل یا بەرهەڤ نینە شەری راگریت، بەردەوامیا شەری دێ کاریگەریا خوە ل هەموو دەڤەرێ کەت، هەکە ئسرائیل ئێرشێن خوە نەدەتە راگرتن دێ شەر بەرفرەهتر لێ هێت و دێ ئەنجامێن خوە یێن خراب بۆ هەموو دەڤەرێ هەبیت.
ناسر کەنعانی ئەو یەک ژی دیار کر، بەرپرسێن ئەمریکا دبێژن ئەو کار بۆ راگرتنا شەری دکەن، لێ چو راستی بۆ ڤێ یەکێ نینە، ئەمریکا کار بۆ بەرژەوەندیێن ئسرائیلێ دکەت، ئەمریکا چەکێ گران و مۆدێرن ددەتە ئسرائیلێ و ئسرائیل ژی ب چەکێ ئەمریکا رۆژانە وەلاتیێن سڤیل ل غەزە دکوژیت و مخابن جڤاکێ نێڤدەولەتی ژی ل هەمبەر زۆلم و زۆرداریا ئسرائیلێ یا بێدەنگە.
