ئیران: ل گه‌ل ئه‌مریكا دانوستاندنان ناكه‌ین
ئه‌ڤرۆ:
محه‌مه‌د جه‌واد زه‌ریف وه‌زیرێ ده‌رڤه یێ ئیرانێ راگه‌هاند كو هه‌تا ئه‌مریكا سزایێن ل سه‌ر ئیرانێ نه‌راكه‌ت ته‌هران ب چو ره‌نگه‌كێ به‌رهه‌ڤ نینه ل گه‌ل ئه‌مریكا ده‌ست ب دانوستاندنان ل دۆر رێككه‌فتنا ئه‌تۆمی یا سالا ٢٠١٥ بكه‌ت.
وه‌زیرێ ده‌رڤه یێ ئیرانێ ئه‌و یه‌ك ژی دیار كر كو سیاسه‌تا ئیدارا نوو یا ئه‌مریكا ل هه‌مبه‌ر ئیرانێ هه‌ر وه‌كو سه‌رده‌مێ ترامپی یه و ئه‌مریكا دڤێت ب سزادانێ ئیرانێ نه‌چار بكه‌ت كو داخوازیێن وێ قه‌بوول بكه‌ت، لێ ئه‌و یه‌ك چو ئه‌نجامێن خوه نابن و دڤێت ئه‌مریكا به‌ری هه‌ر تشته‌كێ سزایێن ئابووری یێن ل سه‌ر ئیرانێ راكه‌ت.
