ئیران: مه ل گه‌ل ئه‌مریكا چو دانوستاندن نه‌كرینه
ئه‌ڤرۆ:
سه‌عید خه‌تیب زاده په‌یڤدارێ وه‌زاره‌تا ده‌رڤه یا ئیرانێ راگه‌هاند كو دانوستاندنێن ڤییه‌نا ل گه‌ل چه‌ند وه‌لاتێن ئورۆپی بووینه و ئیرانێ ب ره‌نگه‌كێ راسته‌وخوه ل گه‌ل ئه‌مریكا چو دانوستاندن نه‌كرینه، چونكو هه‌تا ئه‌مریكا سزایێن ئابووری یێن ل سه‌ر ئیرانێ نه‌راكه‌ت ئیران ل گه‌ل ئه‌مریكا چو دانوستاندنان ناكه‌ت.
ل ئالیێ دی په‌یڤدارێ كۆچكا سپی یا ئه‌مریكا ژی دوهی راگه‌هاند كو هه‌كه ئیران ببیته ئه‌گه‌رێ هندێ دانوستاندنێن نها بێی ئه‌نجام بمینن دێ سزایێن گه‌له‌ك گران ل سه‌ر وی وه‌لاتی هێنه سه‌پاندن.
