ئیران: مە خوە بۆ شەڕێ ئسرائیلێ بەرهەڤ کریە
عەزیز نەسیرزادە وەزیرێ بەرگریێ یێ ئیرانێ دیار کر، شەڕێ وان ل گەل ئسرائیلێ ب دووماهیی نەهاتیە و دبیت جارەکا دی ئسرائیل ئێرشی ئیرانێ بکەت، لێ هەکە ڤێجارێ ئسرائیل ئێرش بکەت شەڕێ وان وەکو جارا بۆری نابیت و ئیرانێ موشەکەک نوو و پێشکەفتی دروست کریە و دێ شێت ل هەر جهەکێ ل ئسرائیلێ بدەت و زیانێن گەلەک مەزن ژی بگەهینتە ئسرائیلێ.
ناڤهاتی ئەو یەک ژی دیار کر، رۆژانە بەرپرسێن ئسرائیلێ گەفان دکەن و ئەو یەک ژی نیشا ددەت، ئسرائیلێ دڤێت جارەکا دی ئێرشی ئیرانێ بکەت، لێ ڤێجارێ وەکو ئیران وان خوە بۆ هەر پێشهاتەکێ بەرهەڤ کرینە و دێ ب چەکێ نوو و ب تایبەتی ژی دێ ب موشەکەک نوو و پێشکەفتی ئێرشی ئسرائیلێ کەن.
ئەو یەک د دەمەکێ دایە، کو بەری چەند رۆژان سەرۆکێ ئەمریکا ژی دیار کر، هەکە ئیران دەست ژ بەرنامەیێ خوە یێ ئەتۆمی بەرنەدەت دبیت جارەکا دی ئێرشی ئیرانێ بهێتە کرن.
