ئیران: مە خوە بۆ هەر ئەگەرەکێ بەرهەڤ کریە
عەباس عێراقچی وەزیرێ دەرڤە یێ ئیرانێ راگەهاند، وان نەڤێت شەڕێ ئسرائیلێ بکەن لێ هەکە ئسرائیل ئێرشی بنگەهێن سەربازی یان ژی یێن وزێ ل ئیرانێ بکەت ئەو وەکو ئیران دێ ب توندی بەرسڤا ئێرشێن ئسرائیلێ دەن و ڤێجارێ دێ بەرسڤا ئیرانێ گەلەک یا توند بیت.
ناڤهاتی راگەهاند، ئێرشا ئیرانێ یا ل سەر ئسرائیلێ تنێ بۆ ڤێ یەکێ بوویە دا ئیران ڤێ پەیامێ بدەتە ئسرائیل ئەو دشێن هەر دەمێ پێدڤی بکەت ئێرشی ئسرائیلێ بکەن، لێ دیارە هندەک ژ بەرپرسێن ئسرائیلێ دخوازن ئێرشی ئیرانێ بکەن، هەکە ئسرائیل شاشیەکا وەسا بکەت دێ ئەو یەک ب گرانی ل سەر وان راوەستیت.
وەزیرێ دەرڤە یێ ئیرانێ ئەو یەک ژی دیار کر، وان خوە بۆ هەر ئەگەرەکێ بەرهەڤ کرینە و هەکە ئیسرائیلێ شاشیەک وەسا کر دێ ب هەموو رەنگەکێ ل ئسرائیلێ دەن، ژ بەر ڤێ یەکێ ژی ئەو هێڤیدارن کو ئسرائیل چو شاشیێن وەسا مەزن نەکەت و ئێرشێ ئیرانێ نەکەت.
