ئیران: مە خوە بۆ هەر پێشهاتەکێ بەرهەڤ کریە
وەزیرێ دەرڤە یێ ئیرانێ سەبارەت ب پرسا بەرنامێ ئەتۆمی یێ وی وەلاتی دیار کر، ئەو دێ ل گەل سێ وەلاتێن رۆژئاڤایی سەبارەت ب پرسا بەرنامێ ئەتۆمی دەست ب دانوستاندنان کەن و گۆت: (لێ هندەک ژ بەرپرسێن ئەمریکا و ئسرائیلێ بەحسێ لێدانا بەرنامێ ئەتۆمی یێ ئیرانێ دکەن، بێگومان هەکە تشتەک وەسا بهێتە کرن دێ ئەنجامێن خوە یێن گەلەک خراب هەبن، چونکی وەکو ئیران مە خوە بۆ هەر ئەگەرەکێ بەرهەڤ کریە و دێ ب توندی بەرسڤا هەر ئێرشەکێ ژی دەین).
عەباس ئێراقچی ئەو یەک ژی دیار کر، ئیرانێ دڤێت پرسا بەرنامێ ئەتۆمی ل گەل ئەمریکا و وەلاتێن رۆژئاڤایی ب رێیا دانوستاندنان چارەسەر بکەت، لێ د هەمان دەمی دا ئیران دەست ژ مافێن خوە یێن رەوا ژی بەرنادەت و وەکو ئیران وان خوە بۆ هەر پێشهاتەکێ ژی بەرهەڤ کرینە.
