ئیران: مە نەڤێت پەیوەندیێن مە و ئێکەتیا ئۆرۆپا ئالۆزتر لێبهێن
ئەڤرۆ
بەرپرسەکێ سیاسەتا دەرڤە یا ئێکەتیا ئۆرۆپا راگەهاند، وان هەشت بەرپرسێن ئیرانێ سزا داینە، ئەو بەرپرسە ئێدی نەشێن ب چو رەنگەکێ سەرەدانا وەلاتێن ئێکەتیا ئۆرۆپا بکەن و هەموو سامانێن وان ژی ل وەلاتێن ئێکەتیا ئۆرۆپا دی هێتە بلۆکە کرن، چونکی ب فەرمانا وان بەرپرسان هەتا نها گەلەک خوەنیشادەر ل ئیرانێ هاتینە کوشتن و وان مافێن مرۆڤی بنپێ کرینە.
ل ئالیێ دی ناسر کەنعانی پەیڤدارێ وەزارەتا دەرڤە یا ئیرانێ ژی راگەهاند، هەلوەستێ نوو یێ هندەک ژ بەرپرسێن ئۆرۆپا د جهێ خوە دا نینە، چونکی دەمەکە ئیران بزاڤان دکەت پەیوەندیێن خوە ل گەل وەلاتێن ئۆرۆپا باش بکەت، لێ هندەک ژ بەرپرسێن ئێکەتیا ئۆرۆپا ئالۆزیان دروست دکەن، ئەو یەک ژی نیشا ددەت هندەک ژ بەرپرسێن ئۆرۆپا کار بۆ بەرژەوەندیێن ئەمریکا دکەن.
