ئیران هژمارا دروست یا كوشتیان ئاشكرا ناكه‌ت
ئه‌ڤرۆ:
رێكخستنا مافێن مرۆڤی یا ئیرانێ راگه‌هاند كو هه‌تا نها پتر ژ ٥٠٠ كه‌س ژ به‌ر خوه‌نیشادانێن ڤێ دووماهیێ ل ئیرانێ هاتینه كوشتن كو نێزیكی ٧٠ ژ وان زارۆنه، لێ ده‌ستهه‌لاتا ئیرانێ هه‌موو رێیه‌كێ بكار دئینیت دا كو هژمارا دروست یا كوشتیان ئاشكرا نه‌بیت، چونكی به‌رپرسێن ئیرانێ باش دزانن نها وه‌لاتێن جیهانێ ل هه‌مبه‌ر ره‌وشا ئیرانێ و كوشتنا وه‌لاتیێن سڤیل بێده‌نگ نامینن، ژ به‌ر هندێ ژی به‌رپرسێن ئیرانێ به‌رده‌وام دبێژن كو ژ به‌ر خوه‌نیشادانان پتر ژ سه‌د كه‌س ژ هێزێن ئێمناهیێ هاتینه كوشتن.
هه‌مان رێكخستنێ ئه‌و یه‌ك ژی دیار كریه كو د سێ مه‌هێن بۆری دا هه‌تا نها پتر ژ سه‌د چالاكڤانێن مافێن مرۆڤی ل ئیرانێ هاتینه ده‌سته‌سه‌ر كرن و چاره‌نڤیسێ گه‌له‌ك ژ وان هه‌تا نها ژی دیار نینه.
