ئیران هۆشداریێ ددەتە سێ وەلاتێن ئۆرۆپی
دوهی وەزارەتا دەرڤە یا ئیرانێ ب رێیا بالیۆزێن هەر سێ وەلاتێن ئەلمانیا، بریتانیا و فرەنسا یێن ل تەهرانێ هۆشداری دا وان هەر سێ وەلاتان و هەلوەستێ وان ل هەمبەر ئێرشا ئیرانێ یا بۆ سەر ئسرائیلێ ژی شەرمزار کر.
وەزارەتا دەرڤە یا ئیرانێ راگەهاند، دەمێ ئسرائیلێ ئێرشی بالیۆزخانا مە ل شامێ کری وی دەمی ئسرائیلێ هەموو قانوونێن نێڤدەولەتی بنپێکرن، لێ مخابن فرەنسا، بریتانیا و ئەلمانیا ئێرشا ئسرائیلێ شەرمزار نەکرن و دەمێ ئیرانێ بەرسڤا ئێرشا ئسرائیلێ دایی وان هەر سێ وەلاتان هەلوەستەک جودا دیار کرن، ژ بەر ڤێ یەکێ ژی ئیرانێ ب رێیا بالیۆزێن وان هەر سێ وەلاتان یێن ل تەهرانێ نەرازیبوونا خوە ل هەمبەر هەلوەستێ وان هەر سێ وەلاتان دیار کریە و هۆشداری ژی دایە وان، هەکە ل سەر هەلوەستێ خوە یێ نها بەردەوام بن وەکو ئیران ئەو دێ پێداچوونێ د سیاسەتا خوە دا ل هەمبەر وان هەر سێ وەلاتان دا کەت.
