ئیران و ئسرائیل چاڤەڕێی ئەنجامێن هەلبژارتنێن ئەمریکا نە
چاڤدێرێن سیاسی ب گرنگی بەحسێ هەلبژارتنێن سەرۆکاتیا ئەمریکا دکەن، چونکی ئەڤ هەلبژارتنە د رەوشەکێ دا دهێنە کرن کو جیهان د ناڤ ئالۆزیێن گەلەک مەزن دایە، شەرێ رۆسیا و ئۆکرانیایێ ژ ئالیەکێ و شەڕێ ئسرائیلێ ل گەل حەماسێ، حزبوللا لوبنانێ و ئیرانێ ل ئالیێ دی کاریگەریا خوە ل هەموو جیهانێ کریە، ژ بەر ڤێ یەکێ ژی پشتی هەلبژارتنێن سەرۆکاتیا ئەمریکا دێ قۆناغەکا نوو ل جیهانێ دەستپێکەت ب تایبەتی ژی ل رۆژهەلاتا ناڤین.
دەزگەهێن راگەهاندنا ئەمریکا ژی دیار دکەن، ب سەرکەفتنا ترامپی دێ ئسرائیل ئێرشێن خوە یێن سەر حەماس و حزبوللا لوبنانێ زێدەتر لێ کەت و هەروەسا ئسرائیل دشێت ب پشتەڤانیا ئەمریکا ئێرشی بنگەهێن ئەتۆمی یێن ئیرانێ ژی بکەت، لێ ب سەرکەفتنا هاریسێ دبیت رەوش ب دلێ ئسرائیلێ نەبیت، ژ بەر ڤێ یەکێ ئیران و ئسرائیل چاڤەرێی ئەنجامێن هەلبژارتنێن ئەمریکا نە.
